July, 2023

講起中國最多同志嘅城市，可能好多人第一時間諗起上海或者北京，但其實，真正被譽為中國「Gay都」嘅地方，正正就係成都。呢個「天府之國」，有人仲玩味咁叫佢做「天腐之國」，因為「腐」同「府」發音一樣，「天腐之國」就係同志帝國嘅意思。

成都人生活節奏慢，性格chill，對性取向同生活方式都開放得多，呢個城市唔單止有熊貓、麻辣火鍋，仲有一個超活躍、多元又友善嘅LGBTQ+社群。如果你係同志，鍾意夜生活，或者想體驗下中國同志文化，成都一定要放入你人生清單。

Gay都魅力

成都同志圈最大賣點係夠自由、夠多元，唔似北上廣咁有壓力，無論你係型男、熊仔、drag queen、couple定單身，喺呢度都可以自在做返自己。仲有好多LGBTQ+友善café、sauna、social活動，社區互相support，好多外地同志都話嚟過成都一次，就唔想返去。

Gay成都 必去夜店 & 酒吧推介

POSE CLUB（成都店）

成華區東風路26號未來中心4樓401號

成都最出名嘅同志Club之一，POSE CLUB以變裝表演同主題派對聞名，經常有人氣DJ打碟，後生仔女最鍾意去！

HIB HUB公社

錦江区蘭桂坊水津街1號第4棟

呢間型格酒吧主打cocktail同輕鬆社交，每逢周末有變裝之夜，氣氛超正，好容易識到新朋友！

江湖LiveHouse

太平南新街6號2棟2層24號

鍾意聽Live音樂？江湖LiveHouse經常有本地LGBTQ+歌手同樂隊演出，係文青同音樂愛好者嘅聚腳地。

THE BUTTERFLY

錦江區東大街下東大河段199號睿東中心C座3樓

走高檔路線嘅Lounge Bar，適合傾偈飲嘢，間中仲有同志詩會同電影放映，文化氣息濃厚。

夜NIGHT酒館

濱河路二段568號戛納灣印像C棟2樓5206號

隱世小酒館，主打手工調酒同K房，適合三五知己或者情侶去Hea！

成都同志文化唔止夜生活

除咗酒吧同Club，成都仲有同志遊行、酷兒電影節同藝術展，本地人對LGBTQ+社群嘅支持度相當高，難怪被稱為中國最友善嘅同志城市！

總結

想體驗中國最自由奔放嘅同志文化？成都絕對係首選！無論你想狂歡定Chill吓，呢度都有適合你嘅去處。

成都係我最喜歡嘅內地城市 🌈

當你到過中國成都，就不會再想到日本、台灣及泰國了！

相關文章:早知．謝霆鋒 – 峰峰歌詞Weird City - TV台北男男同志遊 - Gay Taipei Guide你的快樂是因為我．洛客班 – 峰峰歌詞彩虹．張惠妹 – 峰峰歌詞2gether The Series - TV

本文發表於：July, 2023 | 標籤： 852hk, LGBT, 中國 Mainland China, 同志派對 Gay Clubs, 同志酒吧 Gay Bars, 峰面故事 Cover Story